Ақтөбеде гараждан полицейлер жүз келіден астам есірткі заттарын тапты, деп хабарлайды BAQ.KZ Zakon.kz-ке сілтеме жасап.
Ақтөбе қаласындағы гараж кооперативтерінің бірінде есірткі заттарын сақтады деген күдікпен облыс орталығының 40 жастағы тұрғыны ұсталды.
Тінту іс-шаралары барысында 5 қап (100 кг.), ерекше иісі бар жасыл түсті өсімдік заты бар 170 дана сіріңке қорабы (болжам бойынша марихуана), 200 дана пластинка (болжам бойынша гашиш) және жеке тінту кезінде 1 350 000 теңге табылып, тәркіленді, - делінген полиция хабарламасында.
Аталған фактіге сәйкес, ҚР ҚК-нің 297-бабы 1-бөлігі бойынша сотқа дейінгі тергеу амалдары қолға алынды.
Қазіргі уақытта тінту шаралары әлі жүргізіліп жатқаны да нақтыланады.
