Өрт сөндірушілерге жалпы білім беретін теміржол мектебінің 5 және 6 сынып оқушылары келді, деп хабарлайды BAQ.KZ Қостанай облысының ТЖД баспасөз қызметіне сілтеме жасап.
2023 жылғы 27 наурызда Азаматтық қорғаныс айлығы аясында Қарасу ауданы Железнодорожное ауылының № 25 өрт сөндіру бекетінің қызметкерлері ашық есік күнін ұйымдастырды. Экскурсия барысында оқушылар өрт сөндіру бекетінің үй-жайларын аралап, диспетчерлік бөлмеге кіріп шықты, оқу сыныбын, демалыс және тамақтану бөлмелерін көрді. Балалар көргендерінің бәріне қызығушылық танытып, көптеген сұрақтар қойды.
Өрт сөндіру автоцистернасы олардың назарын ерекше аударды, олардың құрылғысымен өрт сөндіру бекетінің бөлімше командирі Александр Айзверт таныстырды.
Біз балаларға өрт сөндірушілердің жауынгерлік киімдерін, сондай-ақ өрт сөндіру көлігі бөліктерінің мазмұнын көрсеттік. Балалар өрт оқпандарын қолдарында ұстап, өрт сөндіру дулығалары мен жылу шағылыстыратын костюмдерді киіп көрді, - деді бөлім командирі.
Іс-шара соңында балаларға өрттің негізгі себептері, төтенше жағдайда не істеу керектігі және өрт сөндірушілер мен құтқарушыларды қандай телефон нөмірлері арқылы шақыртуға болатыны туралы айтылды.
Экскурсияға қатысушылары өрт қауіпсіздігі қағидаларымен жадынамалар алып, естелік ретінде жалпы суретке түсті.
