Қазақстан Халық партиясы кезектен тыс сайлауға қатысатын Мәжіліске кандидаттарының құжаттарын Орталық сайлау комиссиясына өткізді, деп хабарлайды BAQ.KZ тілшісі.
Бүгін Орталық сайлау комиссиясына Мәжіліс сайлауына қатысатын кандидаттардың тізімін өткіздік. Тізімде – 52 адам. Квоталардың барлығы сақталған. 32,6 пайызы – әйелдер, жастар және мүмкіндігі шектеулі азаматтардан құралған. Кандидаттар тізімінде республиканың барлық өңіріндегі азаматтар қамтылды, - деп атап өтті партия төрағасының орынбасары Серікқали Мұқашев.
Айтуынша, қалған ақпараттарды жариялауға шектеу бар.
Мәслихаттар бойынша тізім әлі жасақталып жатыр. 8 ақпанға дейін уақыт бар. Бірақ дәл қазір съезімізде айтқанымыздай, 700-дің маңында. Тізім әлі жасалып біткен жоқ, - деді партия өкілі.
