Жүргізуші куәлігін жасап бермек болған тараздық ұсталды

1 Ақпан 2023, 22:16
1365
Бөлісу:
Жүргізуші куәлігін жасап бермек болған тараздық ұсталды
Фото: Polisia.kz

Таразда жүргізуші куәлігін жасауға уәде берген ер адам ұсталды, деп хабарлайды BAQ.KZ Polisia.kz сілтеме жасап.

Тараз қаласының полиция басқармасына облыс орталығының екі тұрғыны бөгде ер адамның сенімдеріне кіріп, жүргізуші куәлігін дайындауға жәрдем көрсету сылтауымен олардың 425 мың теңге және 80 мың теңге көлеміндегі қаражатын иемденіп кеткендігі туралы хабарлады. 

Алайда жәбірленушілерге уәде етілген қызмет көрсетілмеген, ақша да қайтарылмаған. Осы дерекке қатысты ҚР ҚК-нің 190-бабы 3-бөлігі (Алаяқтық) бойынша сотқа дейінгі тергеу амалдары басталды.

Полиция қызметкерлерімен жүргізілген жедел-іздестіру іс-шараларының барысында Алматы облысының 32 жастағы тұрғыны анықталып, ұсталды. 

Тергеу барысында күдіктінің тұрғындарға теориялық және тәжірибелік емтихандарсыз жүргізуші куәлігін алуды ұсынғаны анықталды. Оған қатысты ешқайда кетпеу туралы бұлтартпау шарасы қолданылды.

Өзгелердің жаңалығы